Ishte shpallur në kërkim për falsifikim dokumentesh, arrestohet 62-vjeçari

Një 62-vjeçar ka rënë në prangat e policisë së Vlorës. I arrestuari me iniciale K.Sh, ishte shpallur në kërkim për falsifikim dokumentesh dhe për “Mashtrim më shumë se një herë”.
“Në vijim të punës për kapjen e personave të shpallur në kërkim, nga specialistët e Seksionit për Hetimin e Krimeve Ekonomiko-Financiar në DVP Vlorë, u bë e mundur kapja dhe ndalimi i shtetasit të shpallur në kërkim K. Sh., 62 vjeç, banues në Vlorë, pasi Gjykata e Shkallës së Parë Vlorë me vendim e datës 18.06.2022, i ka caktuar masën “Arrest në burg“ për veprat penale “Mashtrimi më shumë se një herë”, “Falsifikimi i dokumenteve”, “Falsifikimi i vulave, stampave dhe formularëve” kryer në bashkëpunim më shumë se një herë.” – njofton policia.