Pasi mori pjesë në mbledhjen e Berishës, anëtari i Partisë Demokratike Fatbardh Kadilli ka vendosur të marrë pjesë edhe në Kuvendin e 18 dhjetorit të thirrur nga Lulzim Basha.
Në një prononcim për Klan News nga Pallati i Kongreseve, Kadilli u shpreh se PD duhet të bashkohet dhe që kjo të ndodhë kjo, duhet të largohen Basha dhe Berisha.
“Do dëshiroja që ky Kuvend të mos kthehej në Kuvendin e ndarjes. PD nuk mund ta durojë dot ndarjen në 2 copa. Ne na duhet një parti e bashkuar, nuk na duhet një parti e ndarë. Ky është qëllimi pse jam këtu. Të largohet Basha, të mos kandidojë Berisha dhe të shkojmë drejt një procesi për të zgjedhur një ekip të ri, të pastër politik. Kjo është zgjidhja. Demonstrim force nuk ka kuptim mes njëri-tjetrit, edhe ato çfarë kanë ngjarë nuk janë të mira. Unë uroj që vendimet të jenë të matura dhe t’i shërbejnë bashkimit. Vendimet përjashtuese nuk i shërbejnë bashkimit, si nga njëri krahë si nga krahu tjetër”, tha Kadilli.
Kujtojmë se, Kadilli ka kandiduar më herët për të qenë kryetar i PD, por humbi në përballjen me Lulzim Bashën.
Discussion about this post