Një 33-vjeçar nga Shqipëria ishte kthyer në tmerrin e qytetit deri sa u kap nga policia italiane. Ai dyshohet se është kreu i një bande grabitësish që operonte kryesisht në zonat e Firences, Pizës dhe Pistoias.
Autoritetet italiane kanë zbardhur të paktën 12 grabitje ku janë përfshirë shqiptarët. Raportohet për më tepër se 12 grabitje, për të cilat dyshohet se janë kryer nga këta persona. Vilat dhe banesat ku jetonin të moshuarit ishin shënjestra e tyre e përhershme. Ata hynin nga dritaret ose bënin një vrimë të vogël pranë bravës së derës për ta çmontuar. Grabitësit merrnin para dhe sende të ndryshme me vlerë si bizhuteri.
Si u zbulua rrjeti i grabitësve?
Policia arriti t’i gjurmojë ata pas denoncimit për vjedhjen e një makine. Efektivët italianë konstatuan automjetin tip “Audi Q5” të vjedhur në korrik nga një familje gjermane. Ata e ndoqën makinën derisa arritën në banesën e një prej anëtarëve të bandës të cilin e arrestuan. Gjatë kontrollit në banesë dhe në makinë, policia gjeti një çantë shpine me të gjitha materialet që përdoren gjatë grabitjeve.
