Ishte zhdukur prej vitesh, kaprolli rishfaqet në parkun kombëtar të Qafështamës (Video)

Një dukuri e rrallë është shfaqur në parkun kombëtar të Qafështamës pas rreth 30 vitesh. Një qytetar ka filmuar një kaproll i cili po vrapon.

Kaprolli në këtë zonë ishte zhdukur që në vitin 1992 dhe që prej asaj kohe nuk kishte asnjë gjurmë apo shenjë të kësaj kafshe. Video është filmuar paraditen e sotme.

Sipas eksperteve të agjencisë së zonave të mbrojtura prezenca e kaprollit vjen si rezultat i moratoriumit të kafshëve dhe shpendëve i vendosur nga qeveria dhe puna e mirë e ADZM Durrës.

Prania e kaprollit shihet dhe si një atraksion që i shtohet kësaj zone turistike përpos bukurive natyrore dhe vetive kuruese që i atribuohen këtij parku.