Ishte zhdukur që në korrik, gjendet trupi i pajetë i gazetares

Trupi i gazetares Candida Cristal Vazquez e cila ishte zhdukur që në korrik është gjetur i pajetë.

REUTERS raporton se trupi i gazetares është gjetur në fillim të kësaj jave në Mazatlan, një qytet turistik meksikan në bregun e Paqësorit.

Candida Cristal Vazquez, ishte gazetare meksikane e radios, por që punonte edhe për policinë lokale.

Në një deklaratë nga prokurori i përgjithshëm i shtetit thuhet se anëtarët e familjes e kanë identifikuar trupin. Policia e gjeti trupin e gazetares në një kanal në Mazatlan.

Vlen të thuhet se 2022 është viti më tragjik për median meksikane pasi deri më tani janë vrarë 18 gazetarë.