Ismail Morina i cili u bë i njohur për dronin e ngritur në Beograd, në ndeshjen Serbi-Shqipëri, së fundmi i ka kërkuar falje qytetarëve të Kosovës.
Para disa kohësh u tall me flamurin, Morina u ka kërkuar falje publike duke u shprehur se flamuri i Kosovës duhet të respektohet po aq sa flamuri i Shqipërisë.
“Unë jam ai qe jam tallur me flamurin e shtetësisë së Kosovës dikur dhe kërkoj publikisht falje për këtë, unë sot besoj fuqishëm se duke respektuar këtë flamurë direkt respektohet dhe mbrohet shtetësia e Kosovës dhe po aq direkt respektohet dhe mbrohet flamuri i kombit shqiptarë dhe interesat kombëtare.
Si shqiptar na duhet një Kosovë/shtet me të drejta të barabarta në arenën ndërkombëtare dhe fatkeqësisht kjo Kosovë/shtet po sulmohet nga boshti aktual Tiranë-Beograd dhe më gjerë.
Ne si popull e kemi për detyrë qe vetëdijen kombëtare ta ngrehim mbi nivelin e sulmeve anti-kombëtare.
Suksese sonte PËRFAQSUESES së shtetësisë së Kosovës dhe gjithashtu KOMBTARES së shqiptarëve në Elbasan Arena!!”
