Shqipëria U-21 ka nisur përgatitjet për kualifikueset e kampionatit europian 2023 teksa do të luajë dy ndeshjet e radhës ndaj Sllovenisë dhe Anodrës. Mbrojtësi i kuqezinjve Ismajlgeci ka theksuar në konferencën për shtyp:
“Të japim gjithmonë më të mirën dhe të marrim tre pikëshin në çdo ndeshje, por si fillim duhet të japim maksimumin me Andorrën dhe pastaj në ndeshjen me Slloveninë.
Ne e dimë që ata janë një skuadër e fortë, që rrinë mbrapa, nuk sulmojnë, vetëm presin që të bëjmë ne gabim dhe të kundërsulmojnë. Por ne do japim maksimumin dhe do fitojmë.
Të dalim në vend të dytë dhe të kapim zonën elitë të Europianit dhe të japim maksimumin.
Tirana është klubi ku jam rritur dhe ndihem shumë mirë. Synimet janë gjithmonë që të dalim kampion dhe pse jo, për një transfertë jashtë.”
