Policia italiane ka arrestuar të mërkurën e datës 20 tetor, një 31-vjeçar, pasi u gjet me kokainë.
Mediat vendase bënë me dije se rreth orës 19:00 të pasdites, gjatë kontrollit në shtëpinë e shqiptarit, u gjetën 15 doza kokainë me peshë 8 gramë , material ambalazhimi dhe 2400 euro në kartëmonedha të vogla të cilat janë sekuestruar nga policia.
Në banesë, ka qenë gjithashtu edhe bashkëjetuesja e shqiptarit, e cila është shtatzënë. Ajo do të hetohet vetëm për moskallëzim të aktivitetit kriminal.
Nga hetimet rezultoi se 31-vjeçari shqiptar ishte futur në mënyrë të paligjshme në territorin italian. Ai ishte dëbuar dy herë nga autoritetet dhe ishte rikthyer sërish në mënyrë ilegale. Identiteti i të riut të arrestuar nuk bëhet i ditur.
