Policia italiane ka arrestuar një shtetas shqiptar, për trafik droge në rajonin e Sardenjas. Fillimisht karabinierët kishin ndaluar 52-vjeçarin Ramazan Malo, për një kontroll rutinë. Por duke parë nervozizmin e tij, policia zhvilloi një kontroll të imtësishëm të makinës me të cilën udhëtonte shqiptari. Pas kontrollit agjentët zbuluan dhe sekuestruan 1.5 kilogramë heroine, të ndarë në 3 pako dhe 1.2 kilogramë kokainë. Mediat italiane shkruajnë se Ramazan Malo, do të përfitonte mbi 500 mijë euro, nga shitja e sasisë së drogës.
