Itali/ Shkatërrohet organizata kriminale, në pranga edhe 1 shqiptar

Autoritetet italiane kanë shkatërruar një organizatë kriminale, ku në pranga janë vënë 24 persona, mes tyre edhe një shtetas shqiptar.

Mediat italiane raportojnë se organizata synonte trafikun e paligjshëm të drogës, zhvatjes dhe armëmbajtjes pa leje.

Hetimi është zhvilluar me aktivitete të shumta teknike, duke përfshirë përgjimet telefonike, por edhe nëpërmjet shërbimeve të vëzhgimit, kontrollit dhe me ndihmën e pajisjeve teknike të fundit, si kamerat video dhe sistemet GPS.

Në kuadër të operacioni  “Cocktail”  janë sekuestruar sasi droge, hashash, kokainë dhe marihuanë, mbi 23 kg, 1.200.000 euro cash, 3 pistoleta, rreth 200 municione, 8 JEEP Renegade dhe 3 FIAT 500 X të vjedhura.

U urdhërua gjithashtu konfiskimi i pasurive financiare, pasuri të luajtshme dhe të paluajtshme, aksionet e kompanisë dhe përmbledhjet e shoqërisë, për një vlerë mbi 5 milionë euro.