Një valë protestash nga punonjës të ndryshëm ka shpërthyer sot në Itali kundër vaksinimit të detyruar.
“Jo pasaportë e gjelbër”, është një nga frazat që dëgjohet në protestë, teksa ditën e sotme hyjnë në fuqi rregullat e reja që lejojnë të shkojnë në punë vetëm të vaksinuarit.
Protestat ka në qytete të ndryshme të Italisë, ndërkohë është njoftuar ditën e sotme dhe bllokimi i Portit të Triestes nga protestuesit. Nga këto protesta preken dhe shumë shqiptarë që jetojnë në Itali.
Vendimi për ta bërë certifikatën të detyrueshme është një nga masat më të ashpra në botë kundër sëmundjes COVID-19.
Një punëtor pa të rrezikon të pezullohet nga puna pa pagesë dhe mund të gjobitet deri në 1,500 euro.
Sipas një sondazhi të kryer nga qendra Ipsos, dy të tretat e italianëve konsiderojnë se certifikata e tillë është e nevojshme.
Megjithatë, ato të cilët e kundërshtojnë kanë organizuar protesta në Romë, më 9 tetor, ndërsa tubime të tjera priten edhe gjatë ditës së sotme.
Italia e ka bërë të detyrueshme certifikatën për mësuesit dhe punonjësit e tjerë të sektorit publik më herët, ndërsa punonjësve të kujdesit shëndetësor u është kërkuar vaksina që prej muajit prill.
Certifikata kërkohet për hyrjen edhe në bare, restorante, kinema dhe stadiume futbolli
