Ish-tekniku i kuqezinjve, De Biasi dha një intervistë mjaft interesante për L:a Republicca.
“Në 2016-ën isha shumë pranë kombëtares së Italisë. Sapo e kisha çuar Shqipërinë në Kampionatin Europian, ishte goxha arritje. Megjithatë ata preferuan Gian Piero Ventura-n. Do të kishte qenë një përfundim i shkëlqyer i karrierës sime. Është turp”, tha fillimisht ai.
Më pas i pyetur për deklaratat e trajnerit aktual të Italisë, Luciano Spalletti-t që foli për “gjigantë e heronj”, italiani theksoi se nuk duhet të harrojnë që gjatë gjithë historisë kanë fituar katër herë Kupën e Botës dhe dy herë Kampionatin Europian.
“Ai bëri mirë. Kushdo që vesh fanellën e Italisë duhet të kujtojë se kush e ka bërë para tij. Ne jemi ata që kemi fituar katër Kupa Bote, dy Kampionate Europiane, ne jemi kampionët në fuqi të këtij kompeticioni”, tha ndër të tjera De Biasi.
“Shqipëria më ndryshoi jetën.
“Shqipëria nuk kishte shumë lojtarë të talentuar, por lojtarë me dëshirë të madhe për të përfaqësuar kombin e vet. U rritëm duke u bazuar mbi personalitetin, organizimin dhe vetëbesimin”.
Euro 2016- ”Në fazën eliminatore mendoj se ndeshja kyçe ishte ajo kundër Portugalisë, lojtarët ndiheshin si heronj pasi e mundën. Më pas morëm edhe dy barazime kundër Danimarkës. Në Europian dolëm me tri pikë nga grupi ku ishim së bashku me ekipe si Franca, Zvicra dhe Rumania”, thekson trajneri.
Italia- “Ndeshjet e para janë gjithmonë delikate. Italia ka gjithçka për të humbur ndërsa rivalët do të jenë të motivuar. Për Shqipërinë është diçka e madhe fakti se merr pjesë në Europian, por mendoj se ‘shqiponjat’ do të jenë një problem edhe për Kroacinë dhe Spanjën” – tha ai.
gijotina.com/
Discussion about this post