Një 23-vjeçar vodhi një makinë por pas një ndjekjeje të guximshme në Tiburtina, u përplas me portën e burgut në Rebibbia. S
ipas medieve italiane, protagonisti i natës ishte Angelo Coli, një djalë 23-vjeçar shqiptar që sfidoi agjentët me mjetin e vjedhur tip ‘Audi’ në Primavalle.
Alarmi nga banorët i vuri policinë nga pas, por i riu megjithatë vendosi të arratisej.
Në atë moment nisi ndjekja dhe për disa minuta Coli vazhdoi të shtonte shpejtësinë duke përhapur panik, por dhe duke rrezikuar të aksidentohej.
Megjithatë, sapo arriti në Rebibbia, përpjekja për të humbur policinë i shkoi keq. Në një kthesë, makina u përplas me portën e burgut më të madh romak. Aty përfundoi gara, por megjithatë hajduti nuk u dorëzua.
Sapo doli nga makina, ai goditi me forcë një oficer duke e rrëzuar në tokë dhe shkelmoi një oficer tjetër. Më në fund ai u arrestua dhe u dërgua në burg.
Agjentët, nga ana tjetër, u shtruan në spital me katër ditë prognozë secili për traumat e raportuara përkatësisht në shpatull dhe në gju.
Tani është nën hetim për vjedhje makine dhe rezistencë ndaj një zyrtari publik, si dhe për dëmtim të makinës, e cila u shkatërrua në përplasjen me portat e burgut.
Discussion about this post