Eldi Dizdari, i njohur gjithashtu si Denis Matoshi, është liruar nga burgu, pasi vuante një dënim në Dubai të Emirateve të Bashkuara Arabe. Gazetari Elton Qyno shkruan për “Ora Neës” se burime pranë zyrës së Prokurorisë së Përgjithshme i kanë bërë me dije se i kërkuari nga drejtësia Italiane, për trafik droge dhe njeriu i dyshuar për një ngjarje kriminale në Shqipëri, ka përfunduar dënimin në shtetin islamik.
Fillimisht ai u ndalua pas një urdhër-arresti ndërkombëtar të lëshuar nga autoritetet italiane në kuadër të goditjes së grupit “Los Blancos”, të cilët trafikonin kokainë nga Ekuadori në drejtim të Italisë dhe vendeve të tjera të Bashkimit Europian. P
or teksa, Dizdari mbahej në burg mësohet se atij dy vite më parë i është komunikuar një tjetër urdhër ndalimi, këtë herë nga vetë drejtësia e Dubait. Pasi dyshohej se përmes veprimeve korruptive tek gardianët, kishte arritur të fuste brenda në qeli, një aparat telefonik. Mirëpo pak ditë më parë është liruar nga burgu.
Pas lirimit të tij, është ende e paqartë nëse autoritet italiane do vijojnë të kërkojnë ekstradimin e Dizdarit në Firence, aty ku një pjesë e grupit të kokainës pak kohë më parë morën dënime nga Gjykata, por deri më tani Italia nuk ka marrëveshje ekstradimi me Emiratet e Bashkuara Arabe.
Dizdari, sipas autoriteteve italiane, është udhëheqës i grupit kriminal shqiptar (KOMPANIA BELLO) – një sindikatë transnacionale e krimit të organizuar e përfshirë në trafik droge dhe operacione kontrabande midis Amerikës së Jugut dhe Evropës me një vlerë prej 350 milion euro.
Discussion about this post