Qeveria e kryeministres së re të Italisë Giorga Meloni do të miratojë paketën e gjashtë të ndihmës ushtarake për Ukrainën. Informacionin e konfirmoi ministri i mbrojtjes Guido Crosetto.
“E vetmja gjë që nuk mund të bëjmë në një kohë kaq komplekse si kjo që po përjetojmë është të humbasim kontaktet me aleatët tanë ndërkombëtarë, BE-në dhe aleancën Atlantike. Pra, ka vetëm një mënyrë për të vepruar dhe vendosur. Nëse situata në Ukrainë nuk ndryshon, do të ketë një dekret të gjashtë për dërgimin e ndihmës së re ushtarake”, tha Crosetto.
Ai shtoi gjithashtu se dekreti do të jetë “i drejtë dhe i duhur, ashtu si të tjerët”.
Më 18 tetor, Ministri i Mbrojtjes i Ukrainës, Oleksiy Reznikov deklaroi se Italia i dha Ukrainës një paketë të re ndihme ushtarake.
Discussion about this post