Qeveria italiane ka marrë vendimin të ndalojë prodhimin dhe tregtimin e ushqimeve sintetike artificiale të prodhuara në laboratorë.
Qeveria italiane ka mbështetur propozimin e Shoqatës së Prodhuesve të sektorit agroushqimor, të cilët kanë mbledhur mbi 500 mijë firma kundër ushqimeve të prodhuara në laboratorë.
“Janë produkte që përdorin inde e qeliza kafshësh vertebrore për të prodhuar ushqime, pije e ushqime për kafshët”, shprehen ata.
Vendimi i marrë nga qeveria italiane parashikon sanksione nga 10 në 60 mijë euro për cilindo që prodhon e tregton ushqime të tilla sintetike.
“Produketet laboratorike nuk garantojnë cilësi e mirëqënie e nuk garantojnë mbrojtjen e traditës italiane të ushqimit e verës pjesë e kulturës së këtij vendi”, ka deklaruar Ministri italian i Bujqësisë e i Sovranitetit Ushqimor, Francesko Lollobrigida.
Edhe për ministrin e Shëndetësisë Orazio Schillaci, “ky ligj ndalues është mjaft i rëndësishëm e domethënës pasi nuk ka studime mbi efektet e ushqimeve sintetike”.
Për qeverinë italiane ky vendim është një mbrojtje ndaj produkteve ushqimore Made in Italy e ndaj multinacionaleve që prodhojnë ushqime të tilla.
“Food and Drug Administration” në SHBA, më nëntor të 2022 aprovoi tregtimin e mishit të pulës së prodhuar në laboratorë me teknikë e quajtur clean meat, ku klonizohen celulat burimore të kafshëve e më pas riprodhohen në vitro. Ky vendim është shtrirë më pas dhe për produktet e peshkut e të qumështit.
Discussion about this post