Italia do të përballet në transfertë me Maqedoninë e Veriut në sfidën e vlefshme për kualifikueset e “EURO 2024” dhe mesfushori i “axurrëve”, Nikolo Barela, i është rikthyer dhe njëherë “makthit” të një viti e gjysmë më parë kur ballkanasit i lanë jashtë Botërorit kampionët e Europës.
“Flas për veten time dhe mendoj se në Palermo ndjeva shumë peshën e ndeshjes. Në mëndje kishim çdo gjë, fakti që ne nuk e meritonim fare të ishim aty na ndikoi shumë.
Ne donim që ta mbyllnim ndeshjen menjëherë, sepse tre ditë më vonë kishim një tjetër sfidë kundër një tjetër skuadre. Kishte shumë faktorë. Nuk dua të justifikohem, por kishte shumë faktorë që ndikuan te ne dhe na bënë që të humbnim qetësinë”, u shpreh Barela.
Discussion about this post