Duke filluar nga ora 21:00 do të luhet sfida Itali-Zvicër e vlefshme për ndeshjen e dytë të Grupit A në Kampionatin Europian.
Azzurrët e nisën vrullshëm turneun duke mundur pastër 3-0 Turqinë në ndeshjen hapëse, teksa përveç rezultatit Italia dhuroi dhe spektakël në fushë. Të gjithë sytë janë nga italianët pasi forma e tyre e mirë i ka bërë një ndër pretendentët kryesorë të turneut dhe mbrëmjen e sotme nuk mund të zhgënjejnë.
Roberto Mançini ka vendosur t’i besojë të njëjtët skuadër që triumfoi ndaj Turqisë, me përjashtim të mbrojtësit Florenci vendin e të cilit do ta zërë futbollisti i Napolit, Di Lorenco. Në sulm do të jetë tredhëmbëshi, Insinje, Berardi dhe lideri Imobile.
Nga ana tjetër, Zvicra do të tentojë gjithçka mbrëmjen e sotme pas atij barazimi zhgënjyes ndaj Uellsit. Skuadra e udhëhequr nuk kërkon të humbasë terren dhe pas fitores të Uellsit ndaj Turqisë, e cila u dërgon ishullorët në kuotën e 4 pikëve.
Trajneri Petkoviç do të hedhë në fushë një formacion 3-4-3, me Granit Xhakën kapiten në mesfushë, ndërsa Shaqiri në rolin e trekuartistit në ndihmë të Embolo dhe Seferoviç.
