Qeveria italiane ka forcuar masat anticovid ditën e sotme. Duke marrë parasysh numrin e lartë të infektimeve dhe rrezikun që sjellin grumbullimet ne prag festash, autoritet italiane kanë vendosur që tani e tutje qytetarët nuk mund të hyjnë në bare, restorante dhe markete pa patur me vete certifikatën e vaksinimit.
“Duke filluar nga 6 dhjetori, vetëm personat që kanë pasaportë vaksinimi ose që janë shëruar nga Covid-19 mund të shkojnë në bare, restorante, kinema dhe evente sportive, duke përjashtuar mundësinë për të hyrë në vende të tilla vetëm me një test negativ”, thuhet në njoftimin e qeverisë.
Një dekret i ri i qeverisë bëri gjithashtu të detyrueshëm vaksinimin për forcat e rendit, ushtarakët dhe të gjithë punonjësit e shkollave. Më parë, vaksinat kërkoheshin vetëm për punonjësit e kujdesit shëndetësor dhe atyre në shtëpitë e të moshuarve.
Kryeministri italian, Mario Draghi tha se këto masa ishin të nevojshme për të parandaluar rritjen e rasteve të koronavirusit dhe për të ndihmuar në rimëkëmbjen e ekonomisë së vendit. Sakaq, bëhet me dije se më shumë se 84% e popullsisë mbi 12-vjeç janë vaksinuar në Itali.
Discussion about this post