Italia ka vendosur që fëmijët të marrin mbiemrin e të dy prindërve. Gjykata Kushtetuese në Itali e kryesuar nga Giuliano Amato, ka shpallur paligjshmërinë e plotë kushtetuese të të gjitha rregullave që parashikojnë vendosjen e mbiemrit të babait, në lidhje me fëmijët e lindur në martesë, jashtë martesës dhe fëmijët e birësuar.
Me këtë vendim edhe nënat kanë të drejtë t’u japin fëmijëve të tyre mbiemrin. Sipas mediave vendase, prindërit do të vendosin me marrëveshje të përbashkët, se cilin mbiemër do t’u japin fëmijëve të nënës apo babait.
Ky vendimi është pritur mirë nga shtetasit në Itali, teksa Gjykata e konsideroi diskriminues dhe dëmtues për identitetin e fëmijës rregullin që duhet me patjetër të mbajë mbiemrin e të atit. Kjo nisëm ka qëllim që burrat dhe gratë të kenë barazi gjinore, dhe se ky vendim pritet të merret edhe në shtete të tjera.
Discussion about this post