Teksa fansat shqiptarë e kanë pritur shumë mirë lidhjen e re të Jori Dellit me Fred De Palma, nuk mund të themi të njëjtën gjë për italianët. Jori ka postuar së fundmi disa foto të tyre, por komentet nga italianët janë të shumta, duke kritikuar Fredin.
Reperi zgjodhi t’i përgjigjej njëri prej tyre. “Si e ‘bën’ një djalë me një tatuazh palme në fytyrën e tij është një mister”, shkruan komentuesi. “O è riço o è roço”, i përgjigjet një tjetër komentues, një shprehje që i referohet një personi të pasur ose madhësisë së organit të tij gjenital. “O è riço o è roço (Ose është i pasur ose e ka të madh)”. Megjithatë, asnjë nga protagonistët e kësaj historie nuk duket i shqetësuar për këto komente, duke shijuar kështu verën më të dashuruar se kurrë.
komente për çiftin e ri, kanë pasur edhe ish-banorët e “Big Brother”, që kanë bashkëjetuar me Jorin. Armaldo Kllogjeri ose siç e njohin të gjithë Maestro ka publikuar një video me Jorin nga koha kur ishin pjesë e shtëpisë së “Big Brother VIP”. Në video dyshja shfaqet duke kënguar dhe në një moment, Maestro i thotë Jorit se i mungon një djalë shqiptar.
“Vetëm na mungon një djalë shqiptar, por ti e paske gjetur një super star”, shkruan Maestro krah videos.
Nga ana tjetër, Ronaldo Sharka ka vendosur që t’i shkruajë partnerit të mikeshës së tij, duke e paralajmëruar që të mos e mërzisë apo ta stresojë modelen. Në mesazhin e publikuar nga vetë moderatori, i cili dukej se ishte në një formë batute, ai e paralajmëron reperin për pasojat që mund të ketë nëse e lëndon Jorin.
“Na e mbaj Jorin mirë! Mos e lëndo asnjë moment, nëse e bën të derdhë qoftë edhe 1 pikë të vetme lot, do mërzitemi shumë. Madje, jemi gati të dalim në protestë. Na e more për nuse gocën më të bukur e më të dashur të momentit, trajtoje me dashuri siç e meritojnë princeshat. Mos e lër t’i shkelë këmba në tokë, mos e lër të stresohet për asgjë, ndryshe vijmë e protestojmë në mes të Italisë”, thuhej në mesazhin e Ronaldos.
Gijotina.com/
Discussion about this post