Një 60-vjeçar italian ka përplasur makinën e tij të rrallë Ferrari 275 GTB, kur doli nga një qendër tregtare në San Rocco al Porto, Itali.
Aksidenti ka ndodhur më 19 tetor, ndërsa sipas raportimeve aksidenti ka ndodhur për shkak të lagështisë në rrugë. Nga ky aksident shoferi shpëtoi pa lëndime serioze.
Sidoqoftë, e njëjta gjë nuk mund të thuhet për Ferrarin e verdhë që është ‘limited edition’ dhe ka një çmim prej 4.7 milionë dollarë.
Dëmtimi i veturës mund të shihet në panelin e përparmë djathtas, dhe duket se mungon një mbulesë e fenerit.
Nuk dihet për dëmet mekanike.
Ferrari 275 GTB është jashtëzakonisht i rrallë, ku më pak se 500 shembuj janë ndërtuar nga viti 1964 deri në vitin 1966.
Discussion about this post