“Nuk doja të lëndoja njeri, më vjen shumë keq për atë që ndodhi. Por kisha frikë se mos më sulmonin dhe reagova”. Kështu deklaroi Fioravanti Menotti, 59-vjeçari i arrestuar pasi qëlloi shqiptarin para një lokali për një fyerje.
Menotti, i mbrojtur nga avokatja Federica Adorni, tha gjithashtu se nuk po ikte por se do të dorëzohej gjatë 12 orëve. Menotti u arrestua pothuajse 12 orë më vonë nga sulmi, në via Polonio, pranë shtëpisë së tij.
Prokurori publik Giovanni Arena kishte urdhëruar ndalimin për rrezik arratisjeje pasi Menotti do të nisej së shpejti për në Marok. Sipas një rikonstruksioni fillestar, gruaja në shoqërinë e Menottit fyeu shqiptarin e më pas nisi përplasja.
Pastaj Menotti shkoi në shtëpi dhe mori një nga pistoletat që mban rregullisht dhe u kthye në lokal duke qëlluar tre herë.
Discussion about this post