45-vjeçari shqiptar, i cili u qëllua me armë zjarri mbrëmjen e së dielës, 28 prill, në tarracën e një kafeneje në komunën Schaarbeek të Brukselit, ka ndërruar jetë si pasojë e plagëve të marra. Kështu bën të ditur prokuroria publike e Brukselit.
Augustin Kaza, ishte ulur në tarracën e një kafeneje, kur një burrë i maskuar e qëlloi katër herë.
Kaza mori dy plumba në kokë dhe dy në gjoks.
Ai u dërgua në spital në gjendje të rëndë për jetën, por sot pas ka ndërruar jetë nga plagët e marra.
Policia ende nuk e ka identifikuar apo arrestuar autorin, ndërsa hetimet për ngjarjen vijojnë.
Agustin Kaza ishte me origjinë nga Mirdita. U raportua se 45-vjeçari është vëllai i Martin Kazës, i dënuar për vrasjen e dy vëllezërve në 3 korrik të 1997 në Mirditë.
Ndërsa, Martin Kaza është dënuar me 22 vite burg për vrasjen e vëllezërve Dod dhe Augustin Gjini, të cilët dyshoheshin se i kishin vrarë vëllain vite më parë.
Kujtojmë se më datë 7 Janar të vitit 1994 në Rrëshen u vra Ndue Kaza.
Discussion about this post