Në mbledhjen e sotme të Asamblesë së PS, kryeministri Rama bëri me dije se Taulant Balla nuk do të jetë më sekretar i Përgjithshëm i PS dhe as drejtues politik i Elbasanit.
Rama e transferoi atë si drejtues politik të qarkut të Fierit, ndërsa vetë Balla në një prononcim për mediat u shpreh se falënderoi votuesit e Elbasanit dhe patronazhistët, pasi sipas tij, kan që bërë një punë të shkëlqyer.
“Nuk e mendoj që të jesh kryetar i grupit parlamentar të mos jesh një pozicion i rëndësishëm. Dhe gjithashtu të drejtosh qarkun dytë në vend. Ndërkohë meqenëse unë jam deputet i Elbasanit ku gjej rastin të falënderoj të gjithë ata 90 mijë votues si asnjëherë më parë. Të falënderoj edhe ata që nuk na votuan, por koha do të tregojë që vota për PS është për të ardhmen. Dua të falënderoj anëtarësinë, të falenderoj patronazhistët, kanë bërë një punë të shkëlqyer. Kemi ngritur një makineri elektorale që bëri të mundur një arritje të madhe politike. Unë nuk e fsheh duke qenë se unë kam pasur prirjen të shoh edhe organizimin e partive të tjera në Europë. Sa më shumë përmirësim”.
Ndër të tjera, ai e konsideroi si përgjegjësi drejtimin e qarkut të dytë më të madh në vend.
Unë ju thashë që kryetari i shumicës parlamentare është do ta quaja përgjegjësia e dytë të administrimin e duhur. Unë dua t’iu them që do të vazhdoj të jem në krye të grupit parlamentar të PS. Unë nuk shoh në këtë vendim asnjë shmangie nga ajo që kam dëshirë të bëj. Jam i vetmi deputet që kam kandiduar në të njëjtën zonë zgjedhore. Ajo që ne duam të ndryshojmë është që qytetarët duhet ta dinë për kë ka votuar. Prej ditës së parë kur unë jam zgjedhur. Do ta bëj në mënyrën më të mirë. Ju e dini që rezultatet kanë qenë në rritje.
Unë ju thashë jam deputet i qarkut të Elbasanit dhe do të jem drejtues edhe në Fier. Duhet një punë shumë e rëndësishme për të ruajtur performancën që ish drejtuesi Ruci ka pasur në atë qark. Mos ngatërroni detyrat që burojnë nga fakti i të qenurit deputet dhe atij të drejtuesit të qarkut,” tha Balla.
