Iu drejtoi armën policëve, arrestohet 25-vjeçari shqiptar në Greqi

Një 25-vjeçar shqiptar ka rënë në prangat e policisë pasi ka alarmuar vendin.

Mediat greke shkruajnë se efektivët janë futur për kontroll në një klub nate në Athinë, por i riu ka nxjerrë armën dhe ua ka drejtuar efektivëve.

Policët po kryenin një operacion gjatë të cilit u kontrolluan gjithsej 14 dyqane e 20 persona.

Të arrestuar në total ishin katër, mes të cilëve dhe 25-vjeçari shqiptar.

Të riu iu sekuestrua arma dhe një dorezë metalike grushti. Ndërsa nga kontrolli në shtëpinë e tij u gjetën dhe u konfiskuan: një armë gjahu, një pistoletë me ajër, një shkop dhe 29 gëzhoja.