Nënë e ish-peshëngritësit shqiptar Pirro Dhima, Lefteria u gjet pa jetë pranë banesës së saj nga fqinjët. 75-vjeçarja kishte tre ditë që kishte ndërruar jetë dhe askush nuk e kishte vënë re mungesën e saj. Madje as dy djemtë e saj nuk e kanë gjetur të moshuarën, e cila u gjet e dekompozuar.
Pas rënies së komunizmit kampioni shkoi në Greqi, ndërsa pas 13 vitesh atje u shpall kampion bote në peshëngritje, ndërsa më pas u zgjodh deputet i partisë së majtë greke PASOK.
Sipas raportimeve të ‘ABC News’ Pirro Dhima nuk ka pasur asnjëherë një marrëdhënie të ngushtë me nënën e tij, gjë që shpjegon edhe faktin sesi për ditë të tëra ajo është dergjur e pajetë, ndërsa askush nuk është kujtuar për të. Atleti raportohet se kishte marrëdhënie të vështirë me të ëmën për shkak të martesës me gazetaren e njohur greke Anastasia Sdougou. Kjo për shkak se nëna e tij nuk kishte aprovuar martesën me gazetaren më të madhe në moshë. Në intervistat e dhëna për mediat greke, ai ka mohuar faktin se është shqiptar, duke shtuar se është rritur nga gjyshja në Himarë.
“Nuk jam me origjinë shqiptare! Unë jam grek brez pas brezi. Unë nuk kam asnjë lidhje me shqiptarët. Gjyshja ime u kujdes për mua, ajo më mori të më rriste sepse familja ime ishte e zënë me punë, dhe kështu kam që foshnje në Himarë. Grua e mrekullueshme dhe e mençur,”– thoshte Dhima.
Ndërsa bashkëshortja e tij, Anastasia Sdougou ndërroi jetë nga kanceri disa vite më parë, por duket se marrëdhëniet mes nënës nuk ndryshuan kurrë. Nëse kërkon për Dhimën në internet, del vetëm emri i të atit, Vasil, ndërsa mëmësia nuk rezulton askund.
Ai është bashkuar më parë në protestat e Agimit të Artë, organizatë e cila u cilësua si terroriste nga Gjykatat greke pak muaj më parë, duke kërkuar autonomi për të ashtuquajturin “Vorio Epir”./K.T/Gijotina.com
