Klodian Turja është shqiptari i cili është gjetur i vrarë mëngjesin e sotëm në Belgjikë. Mediat Belge bëjnë me dije se trupi i pajetë i 39-vjeçarit është gjetur në një bllok apartamentesh në qendër të qytetit Roeselare.
Nga këqyrja paraprake ka rezultuar se shqiptarit ia ka shkaktuar vdekjen një plumb që i është gjetur në pjesën e pasme të kokës.
“Viktima kishte plagë të shkaktuara nga arma e zjarrit në pjesën e pasme të kokës. Kjo është një ngjarje e dyshimtë dhe ende nuk mund të dalim në një konkluzion final,“- është shprehur një nga hetuesit për mediat belge.
Nuk dihet nëse Turja ishte një person me precedentë penalë apo nëse kishte konflikte për të cilat mund të jetë përplasur.
Discussion about this post