Iu gjetën në banesë 212 bimë kanabisi, dënohet me 9 muaj burg shqiptari/ Emri

Një shqiptar, në banesën e të cilit u gjetën 212 bimë kanabisi, u dënua me 9 muaj burg nga një gjykatë në Britaninë e Madhe.

Shqiptari, i identifikuar si Rifat Byberi, u arrestua mëngjesin e 29 prillit në rrugën Stotfold.

Byberi ngjalli dyshime kur doli me vrap nga dera e pasme e banesës, ndërsa policia hyri përpara. Prokurori Shaun Dryden tha se pas kontrollit të banesës së 28-vjeçarit, i janë gjetur lëndë narkotike.

Ai tha se “prona ishte shndërruar në një kultivues të sofistikuar kanabisi. Dhomat ishin konvertuar me ndriçim, ventilim dhe fletë plastike”.

Byberi, i cili erdhi në Britaninë e Madhe nga Shqipëria 18 muaj më parë, u deklarua fajtor për prodhimin e drogës të klasit B. Ai kishte punuar në ndërtim në Birmingham dhe Londër, përpara se t’i ofrohej një punë për të dekoruar një shtëpi në Hartlepool.