Iu gjetën në banesë armë dhe municione pa leje, arrestohet 65-vjeçari

Policia e Beratit arrestoi një 65-vjeçar, në banesën e të cilit janë gjetur armë zjarri dhe municione që i mbante pa leje. Sipas burimeve, policia ka sekuestruar deri më tani 1 pistoletë, dy armë gjahu pa leje dhe sasi kutish me fushekë e municione luftarake.

Nga raportimet mësohet se forcat policore kanë ushtruar kontrolle në zonën e Kutallisë ku arrestuan shtetasin Enver Shehu. Kontrollet synojnë kapjen e personave në kërkim, por edhe kontrolli i territorit përsa i takon zbulimit të parcelave të kultivuara me hashash.

Në një banesë në fshatin Drenovicë është gjetur një arsenal armësh e municionesh.