Pas disa orëve në seancë, Gjykata e Posaçme ka caktuar “arrest në shtëpi” për gjyqtaren e Elbasanit, Zamira Vyshka. Gjyqtarja dha dëshminë e saj dhe duke marrë parasysh informacionet e grumbulluara, trupa gjykuese ka lënë në fuqi vendimin që ishte për gjyqtaren. Gjithashtu GJKKO ka lënë në burg avokatin Ilir Pashaj, duke mos e ndryshuar masa “arrest me burg” ndaj tij. Masa nuk është ndryshuar as për të arrestuarin tjetër Xhulio Musaj, i cili do të vijojë të qëndrojë në burg. Dy funksionarët e drejtësisë akuzohen për “Korrupsion pasiv i gjyqtarit, prokurorit dhe funksionarëve të tjerë të drejtësisë”, në bashkëpunim, parashikuar nga nenet 319 dhe 25 të Kodit Penal.
Kujtojmë se dy ditë më parë, pas kontrolleve në Elbasan SPAK ka kërkuar “Arrest në shtëpi”, për shtetasen Zamira Vyshka me detyrë gjyqtare në Gjykatën e Rrethit Gjyqësor, Elbasan. Si dhe janë ekzekutuar masat e sigurimit “Arrest në burg”, parashikuar nga neni 238 i Kodit Procedurës Penale, për shtetasin Ilir Pashaj me detyrë avokat mbrojtës, si dhe për shtetasit Taulant Ramollari dhe Xhulio Musai Është ekzekutuar masa e sigurimit “Arrest në shtëpi”, parashikuar nga neni 237 i Kodit Procedurës Penale edhe për shtetasin Arben Tirana.
Sipas njoftimit të SPAK mësohet se Ilir Pashaj me detyrë avokat si dhe shtetasit Taulant Ramollari dhe Xhulio Musaj janë arrestuar, ndërkohë për gjyqtaren Zamira Vyshkaj është “Arrest në shtëpi”. Pashaj dhe Vyshkaj kishin marrë një shumë prej 4 milionë lekësh të reja nga familjarët e një prej të arrestuarve me qëllim favorizimin në caktimin e masës së dënimit. Kujtojmë se hetimet e Prokurorisë për rastin në kishin nisur që në vitin 2021.
Discussion about this post