Kryepeshkopi i Shqipërisë, Anastas Janullatos, i cili iu nënshtrua një operacioni në sistemin gastrointestinal në Athinë, ka dalë nga salla e kirurgjisë.
Media greke bënë të ditur se, Kryepeshkopi ka pasur gjakderdhje gastrike, të cilën mjekët që në momentin e parë që u njoh me të, u përpoqën ta trajtojnë.
Janullatos ndodhet në spitalin Evangelismos ku është intubuar në ICU të spitalit ku po trajtohet.
Prej datës 30 dhjetor ai ishte i shtruar në një klinikë në Tiranë. Diagnoza fillestare ishte një virus sezonal.
Megjithatë, duke pasur parasysh shëndetin dhe moshën e tij të thyer, virusi u shndërrua në një infeksion që i shkaktoi gjakderdhje.
Më pas, u pa e nevojshme transferimi i tij në Athinë, ku edhe ai ishte shtruar në spital gjatë periudhës së Covid-it dhe mjekët e Evangelismos, të drejtuar nga profesoresha Anastasia Kotanidou, e dinë shumë mirë historinë e tij mjekësore.
Discussion about this post