Sikurse kishin paralajmëruar më herët, banorët e “5 Majit” po protestojnë pak para nisjen së seancës plenare, të revoltuar për shembjen e shtëpive të tyre.
Para Kuvendit ata po përplasen me policinë pasi këta të fundit, nuk po i lejojnë ti afrohen godinës së parlamentit, ndërsa kauzës së tyre i janë bashkuar edhe banorët e Laprakës që i ndan i njëjti “hall”.
“Të kanë vjedhur lekët e uniformave ty, kemi dalë që të protestojmë edhe për ty, kanë vjedhur lekët e uniformës, që ti të kesh vapë në verë, temperaturat janë 40 gradë. Kam ardhur për të mbrojtur shtëpinë time, atje më keni marrë zvarrë, po këtu pse nuk na lini që të protestojmë. Unë kam besim te logjika jote, ajo duhet të jetë më e shëndetshme sesa ligji. Nuk kemi ardhur për të kapur deputetët, ata mund ti kapim kur të duam, kemi 30 vite që paguajmë taksa, dhe ju paguheni me taksat tona. Ne kemi 30 vite që jemi aty, pse nuk erdhi një njeri që të na thoshte nga Bashkia, mos e vazhdoni ndërtimin, sepse jeni jashtë ligjit. Ku ishin këta kur ne e ndërtonim shtëpinë, jam i sigurt që edhe ju punonjësit e policisë, në mos iu kanë prishur shtëpinë tuaja, do ja kenë prishur të afërmve tuaj”, tha një prej tyre.
Në zonë e “5 Majit” janë prishur tre shtëpi, ndërsa të tjera do të prishen për shkak të procesit të rindërtimit, të cilët këta të fundit e kundërshtojnë pasi disa prej tyre kanë dhe shtëpi të legalizuara.
Discussion about this post