Iu shkatërrua shtëpia nga tornadoja, shqiptari në SHBA: Kurseva 6 vjet për ta ndërtuar

Gentian Emini, shqiptarit që jeton në Amerikë i është shkatërruar shtëpia nga tornadoja.

Në një deklaratë për mediat ai ka treguar dëmet që shkaktoi stuhia, ndërsa tha se ishte në përfundim të shtëpisë, e cila tashmë i është shkatërruar.

 “Për pak sekonda, njerëzit vdiqën, njerëzit humbën më të dashurit e tyre, humbën veturat, shtëpitë. Thjesht është bërë një fatkeqësi e madhe”, thotë Emini.

Emini i thotë se ai kishte ndërtuar shtëpinë dykatëshe për vetën dhe familjen e tij.

“Kisha sigurime në fillim, dhe isha në fazën finale të përfundimit të shtëpisë dhe më thanë se nuk mund të më mbështesnin më sepse kanë kaluar gjashtë muaj. Të gjitha këto dëme kapin vlerën prej 150 mijë dollarë”, ka thënë ai.

“Të gjitha paratë e mia i kam ruajtur për këtë shtëpi për gjashtë vjet”, shtoi më tej ai.