Ndotja e mjedisit vijon të jetë shqetësuese në disa lagje të qytetit të Elbasanit, ku kazanët e mbeturinave të tejmbushura me plehra janë bërë pamje normale për banoret.
Mos pastrimi në mënyrë të rregullt i mbetjeve dhe mbushja përtej kapacitetit e kazanëve, ka bërë që në disa raste atyre t’u vihet zjarri, duke shkaktuar ndotje të ajrit, siç është vepruar në lagjen Shenkoll në qytetin e Elbasanit.
Burimet bëjnë me dije se një re tymi kancerogjene ka pushtuar zonën, ndërsa banorët qe jetojnë aty pranë shprehen të shqetësuar, ndërsa kërkojnë që plehrat të pastrohen rregullisht për të evituar ngjarje të tilla.
Ndonëse në vend kanë nisur aksione pastrimi nga administratat e bashkive, ata janë të pamjaftueshme për garantimin e një mjedisi të pastër. Edhe më herët, Gijotina.com ka denoncuar mjaft raste ku qytete të ndryshme të vendit janë pushtuar nga mbeturinat, pasi institucionet nuk marrin masa.
Discussion about this post