Iu vunë kamera në shtëpi, zbulohet sesi babai ngacmonte seksualisht vajzën 8-vjeçare

Një 62-vjeçar ka rënë në prangat e policisë pasi akuzohet se ka ngacmuar seksualisht vajzën e tij 8 vjeç e cila rezulton me aftësi të kufizuara.

Mësohet se Jani Kallanxhi u arrestua mëngjesin e sotëm pas denoncimit që ka bërë në prokurori një punonjëse sociale e Bashkisë së Korçës.Punonjësja sociale kishte komunikuar rreth një javë më parë me të miturën para se bashkia të strehonte vogëlushen dhe dy prindërit e saj, deri atëherë të pastrehë, në një apartament në lagjen 18 të qytetit.

Gjatë bisedës, vajza kishte kryer veprime e gjeste që tregonin frikë. Për këtë arsyeje punonjësja sociale e bashkisë ngriti dyshime se e mitura abuzohej seksualisht dhe e referoi rastin në prokurorinë e Korçës.

Me lejen e organit të akuzës, në apartamentin e familjes Kallanxhi u vendos kamera, ku pamjet e regjistruara treguan se babai 62-vjeçar prekte vajzën e tij të mitur në pjesë intime të trupit.

Pas kësaj Jani Kallanxhi u vu në pranga nga policia, ndërsa e bija u dërgua në një qendër sociale në Tiranë. Ekspertiza mjeko-ligjore pritet të përcaktojë nëse e mitura është dhunuar seksualisht.

62-vjeçari Jani Kallanxhi është i papunë dhe njihet si person i alkoolizuar.

Ndërsa bashkëshortja e tij vuan nga shqetësime të shëndetit mendor. Çifti ka vetëm këtë vajzë, të cilën pas lindjes, e dërguan në shtëpinë e fëmijës. Por pas disa vitesh e morën sërish.