Deputeti i Partisë Demokratike, Ivi Kaso, ka deklaruar se fati politik i Erion Veliajt është vendosur përfundimisht nga kryeministri Edi Rama gjatë Asamblesë së Partisë Socialiste. Në një intervistë për Ora News, Kaso theksoi se marrëdhënia mes Veliajt dhe PS-së ka marrë fund dhe çdo lëvizje e tij aktuale është thjesht një veprim procedurial me synim ndërkombëtar.
“Politikisht fati i Veliajt është vendosur në Asamblenë e PS-së nga lideri i mazhorancës, pasi i kishte ardhur fundi i marrëdhënies me këtë parti. Nuk është se kishte një shqetësim për qeverisjen e Tiranës”, tha Kaso.
Sipas tij, Veliaj nuk ka më asnjë hapësirë për t’u rikthyer në skenën politike, ndërsa veprimi i fundit nga ana e tij lidhet më shumë me përgatitjen e një dosjeje për Gjykatën e Strasburgut.
“Hapi i Veliajt është një akt procedurial që duket se synon Strasburgun, për të pretenduar shkelje të të drejtave të tij. Por kjo nuk mund të pengojë zgjedhjet në Tiranë, të cilat janë vendosur nga Rama në Asamblenë e PS-së”, u shpreh Kaso.
Discussion about this post