Dikur ka qenë ndër personat e tij më të besuar, ndërsa tani thotë se do ta vriste. Ish truproja i Sali Berishës, Izet Haxhia, i dënuar me 21 vite burg për ekzekutimin e deputetit demokrat Azem Hajdari këmbëngul se nuk ka kryer kurrë vrasje, por nëse do ta bënte, i pari do të ishte ish-kryeministri.
“Deri më sot s’kam vrarë njeri, por po të vendos ta bëj Sali Berisha do të jetë i pari” – shkroi Izet Haxhia në librin e tij ku ka përmbledhur dëshmitë për vrasjen e Azem Hajdarit.
“Disa prej jush mund të më quajnë edhe “tradhtar” apo “bukëshkalë” pse unë flas kështu për Berishën. Jo, të dashur miq! Unë as kam qenë dhe as nuk mund të bëhem tradhtar apo bukëshkalë. Unë nuk kam tradhtuar duke rrëfyer në këtë libër të vërtetat dhe vetëm të vërtetat që di unë për Berishën. Tradhtari është Berisha! Është ai që na mashtroi, që na ndau mes nesh, që na përçau si popull, që na vodhi me klanet e monopolet e tij, që pas 25 vjetësh akoma mendojmë të braktisim e të shpëtojmë nga ky vend jonë që nuk iu nda mallkimi i atyre që e kanë drejtuar për tash 100 vjet. Dhe unë mendoj se një nga mallkimet dhe të këqijat më të mëdha të këtyre 100 vjetëve është Sali Berisha”, vijon më tej në librin ‘Izet Haxhia përballë Sali Berishës.’
Një ditë më parë, Gjykata e Apelit të Tiranës la në fuqi vendimin e shkallës së parë për Izet Haxhinë, i cili do të vuajë 21 vite burg. Ai u dënua për veprën penale “vrasje me paramendim e kryer në bashkëpunim.
Discussion about this post