Rreth 100 banorë janë izoluar në Ersekë, ndërsa shkak është bërë shembja e urës, që rrezikon jetën e banorëve të 5 fshatrave. Ura e Orgockës që dikur ishte monument kulture sot është shkatërruar totalisht, e megjithatë banorët të cilët do t’u duhet të kryejnë aktivitete janë detyruar të kalojnë përmes kësaj ure.
Ata duhet të kalojnë mes përmes një dërrase provizore, pothuajse çdo ditë, teksa çojnë fëmijët në shkollë, pasi institucionet nuk kanë dhënë asnjë zgjidhje.
“Fëmijët i marr zvarrë kur kthej nga Korça njëri është 4 vjeç në kopsht dhe tjetri 12 vjeç në shkollë. Një ditë për pak kemi rënë aty, desh mu mbyt fëmija në lumë. Premtojnë dhe nuk bëjnë asgjë. Kryetari i bashkisë e ka fajin i pari”, shprehet e revoltuar një banorë e Mollasit.
Ndërsa një tjetër tregon se “ura ka 4-5 vite e dëmtuar, i kemi lajmëruar që nga bashkia e të gjithë, kanë ardhur inxhiniere e kanë parë dhe asgjë s’kanë bërë”.
Discussion about this post