Zjarre masive janë përhapur sot në afërsi të Jerusalemit, ndërsa ekipe të shumta zjarrfikësish dhe shpëtimi u angazhuan për të vënë flakët nën kontroll.
Autostrada kryesore midis Tel Avivit dhe Jerusalemit u mbyll në zonën e zjarreve.
Një zëdhënës i Shërbimit të Shpëtimit “Magen David Adom” tha se gjithsej ishin plagosur 13 persona, përfshirë dy foshnje që u dërguan në spital.
Shërbimi izraelit i zjarrfikësve thuhet se aktualisht po luftojnë me pesë vatra zjarri në zonën përreth Jerusalemit.
Sipas informacionit zyrtar, Ministria e Jashtme e Izraelit ka kërkuar ndihmë nga Greqia, Qiproja, Kroacia, Italia dhe Bullgaria.
Sipas policisë izraelite, zjarre kanë shpërthyer edhe në jug të vendit.
Raportet e medias tregojnë se shërbimi i zjarrfikësve është aktiv edhe në Izraelin verior pas shpërthimit të zjarreve.
Fillimisht nuk pati raportime për viktima në veri dhe jug.
Zjarret ndodhin shpesh në pyjet përreth Jerusalemit. Për shkak të erërave të forta, festimet e këtij viti për Ditën e Pavarësisë së Izraelit, të cilat do të fillonin sot në mbrëmje, do të kufizohen.
Sipas shërbimit meteorologjik izraelit, era pritet të vazhdojë deri në mesnatë dhe rreziku i përhapjes së zjarreve mbetet i lartë.
Qendra e vendit, përfshirë zonën përreth Jerusalemit, është veçanërisht e prekur. Atje priten erëra me shpejtësi nga 60 deri në 70 kilometra në orë.
Discussion about this post