Të paktën 51 persona u vranë dhe dhjetëra u plagosën në një sulm të ushtrisë izraelite në kampin e refugjatëve Maghazi në qendër të Rripit të Gazës.
Lajmi është bërë i ditur nga një agjenci palestineze e lajmeve.
Dr. Khalil Al-Daqran, kreu i infermierisë në Spitalin e Martirëve Al-Aksa në Deir Al-Balah tha për CNN se kishte parë të paktën 33 trupa nga ajo që ai pretendonte se ishte një sulm ajror izraelit.
“Një nga shtëpitë në kamp u godit. Kjo shtëpi ishte e mbushur me banorë. Banorët e saj u bombarduan ndërsa ishin të sigurt në shtëpitë e tyre”, tha Dr. Al-Daqran.
Ushtria izraelite nuk kishte një koment të menjëhershëm nëse kishte në shënjestër zonën. Dr. Al-Daqran tha se shumë nga viktimat ishin gra dhe fëmijë dhe se numri i të vdekurve do të rritet pasi më shumë trupa po silleshin në spital.
Banori i kampit Al-Maghazi, Jamal Al Aloul tha se ai po flinte i qetë kur papritmas “e gjithë ndërtesa ra mbi ta”. Ai tha se dy fëmijët e tij u vranë nga shembja dhe se nuk e dinte se kush ishte vrarë, por kishte shumë njerëz të tjerë në ndërtesë.
“Pashë një dritë të kuqe, pastaj po dridheshim në divan, pashë të gjitha motrat e mia duke bërtitur…kur e gjeta veten gjallë, shikova të shihja se kush është ende gjallë”, tha Samah Shaqoura, një tjetër banore e kampit. Ajo tha se pak çaste më vonë e gjeti babain e saj të vdekur.
Dr. Al-Daqran tha mes të tjerash se spitali nuk ishte i gatshëm për të pranuar numrin e madh të pacientëve që vinin nga vendi i ngjarjes dhe tha se mungesa e karburantit dhe furnizimeve e bëri të pamundur trajtimin adekuat të të plagosurve.
“Numri i njerëzve brenda spitalit që kanë nevojë për trajtim është më shumë se dyfishi i numrit të shtretërve në spital,” tha ai për CNN.
Kampi i refugjatëve Al-Maghazi ndodhet në pjesën qendrore të enklavës bregdetare në jug të Wadi Gazës. Sipas Agjencisë së Kombeve të Bashkuara për Ndihmë dhe Punë, kampi karakterizohet nga rrugica të ngushta dhe një dendësi e lartë popullsie me mbi 33,000 njerëz që jetojnë në një sipërfaqe prej jo më shumë se 0.6 kilometra katrorë.
IDF ka bërë thirrje në mënyrë të përsëritur që civilët në Gaza të lëvizin në jug të Wadi Gazës, pasi ajo ka intensifikuar sulmet e saj ajrore dhe tokësore.
Ndërkohë sekretari amerikan i Shtetit Antony Blinken takohet sot në Ramallah me Presidentin e Autoritetit Palestinez Abu Mazen! Ky është udhëtimi i parë i shefit diplomatik amerikan në Bregun Perëndimor që nga shpërthimi i luftës midis Izraelit dhe Hamasi.
Izraeli ka bombarduar Universitetin Al-Azhar në Gaza, sipas një video të postuar në platformën X nga zëvendësministri i Jashtëm i Palestinës, Amal Jadou.
Bombardimi ndodhi të shtunën në mëngjes, sipas korrespondentit të Al Jazeera.
Ndërkaq, një dron izraelit qëlloi një raketë në shtëpinë e liderit të Hamasit Ismail Haniyeh në Gaza, e cila është jashtë enklavës.
Nuk ka informacion nëse ndonjë anëtar i familjes së tij ndodhej në shtëpi në momentin e sulmit.
Haniyeh ka qenë jashtë Rripit të Gazës që nga viti 2019, duke lëvizur midis Turqisë dhe Katarit.
URGENT: This is not a nuclear test. This is Israel bombing the campus of Al-Azhar University in #Gaza.
Since yesterday Israeli attacks involved ambulance convoys, 3 hospitals, and 5 UN schools-turned shelters, causing scores of innocent casualties. No place is safe #Gaza_Genocide pic.twitter.com/399y1TanaG— Amal Jadou (@AmalJadou7) November 4, 2023
Discussion about this post