Numri i të vdekurve nga sulmet gjashtëditore të Izraelit në Rripin e Gazës është rritur në të paktën 1.200 të vdekur dhe 5.600 të plagosur.
Të zhvendosurit, raporton OKB-ja, janë gati 339 mijë. Midis izraelitëve, pati 1.300 viktima dhe 3.300 të plagosur.
Ushtria izraelite, ndërkohë po përgatitet për një operacion të mundshëm tokësor në Gaza, por liderët politikë të vendit nuk kanë vendosur ende për këtë çështje.
“Çdo anëtar i Hamasit është një njeri i vdekur,” kërcënon Netanyahu, pas njoftimit të krijimit të një qeverie të emergjencës kombëtare për të udhëhequr Izraelin në luftën kundër grupit islamik.
Mediat hebraike mohojnë lirimin e tre të burgosurve (një grua dhe dy fëmijë) të njoftuar nga Hamasi.
Një kanadez u “vra brutalisht” pranë kufirit me Rripin.
Izraeli, nga ana tjetër bën thirrje që “Kina të jetë më e ekuilibruar” në konflikt.
Discussion about this post