Kabineti i Izraelit miratoi marrëveshjen për armëpushimin dhe lirimin e pengjeve me grupin militant palestinez Hamas në Rripin e Gazës.
“Qeveria e ratifikoi marrëveshjen në orët e para të së shtunës (18 janar) pas një mbledhjeje që zgjati për më shumë se gjashtë orë”, tha zyra e Netanyahut në një deklaratë.
24 ministra në qeverinë e koalicionit të Netanyahut votuan në favor të marrëveshjes, ndërsa tetë e kundërshtuan atë.
Sipas marrëveshjes, armëpushimi gjashtë-javor do të hyjë në fuqi të dielën më 19 dhjetor.
Sipas fazës së parë të marrëveshjes së armëpushimit, e cila do të zgjasë 42 ditë, Hamasi ka rënë dakord të lirojë 33 pengje, duke përfshirë fëmijë, gra (përfshirë ushtarë femra) dhe burra të moshës mbi 50 vjeç, në këmbim të qindra palestinezëve të mbajtur në burgjet izraelite.
Nëse ka sukses, armëpushimi mund të zbusë situatën në Lindjen e Mesme.
Discussion about this post