Izraeli në vështirësi, po i mbarojnë interceptorët e “Kupolës së Hekurt”

Izraeli po përballet me mungesë të interceptorëve të sistemit të mbrojtjes kundërajrore, sipas një raporti të fundit të Wall Street Journal.

Sipas burimeve amerikane të paidentifikuara, rezervat e interceptorëve të raketave Arroë po pakësohen, duke rritur shqetësimet për dobësimin e kapacitetit mbrojtës të Izraelit ndaj kërcënimeve nga raketat balistike iraniane.

Interceptorët Arroë janë pjesë kyçe e sistemit të mbrojtjes izraelite, i cili përfshin edhe sistemet “Sling David” dhe “Kupolën e Hekurt”. Arrow 3 ka një rreze veprimi prej gati 1,500 miljesh, duke mundësuar shkatërrimin e raketave balistike para se ato të hyjnë në hapësirën ajrore izraelite. Arrow 2 përdoret për të ndalur raketa me rreze të shkurtër dhe të mesme veprimi.

Në netët e fundit, qielli mbi qytetet izraelite është ndriçuar nga sulmet iraniane dhe sistemet e mbrojtjes vazhdimisht kanë neutralizuar raketa dhe dronë iranianë, duke nxjerrë në pah rëndësinë e këtyre sistemeve në mbrojtjen e vendit.

Duket se Izraeli është në pritje të vendimit të Trump i cili ka theksuar se po shqyrton mundësinë e futjes së SHBA në luftë.