Izraeli sulmon një tjetër central bërthamor, shpërthime në Teheran!

Izraeli vijon sulmet ndaj bazave ushtarake dhe bërthamore të Iranit. Sulmet vijuan edhe gjatë ditës, ndërsa mediat raportojnë se Izraeli ka goditur objektin bërthamor të fortifikuar të Fordoë. Shpërthime janë dëgjuar në disa zona të ndryshme të kryeqytetit Teheran.

Sulmi ka eliminuar zinxhirin e komandës ushtarake, me rreth 20 komandatë të vrarë e 7 shkenctarë bërthamorë. Mes të vrarëve, është edhe komandanti i Forcës elitare Quds të Gardës Revolucionare Islamike, Gjenerali Esmail Qaani.

Të paktën 78 persona janë vrarë dhe 329 të tjerë janë plagosur në sulmet ajrore që goditën zonat e banuara në Teheran, sipas agjencisë iraniane të lajmeve Nournews.

Në sulmet e para, u eliminuan Komandanti i Përgjithshëm i Gardës Revolucionare Islamike, Hossein Salami;  Komandanti i Shtabit Qendror të Khatam-al Anbiya, Gholamali Rashid; Shefi i Shtabit të Forcave të Armatosura të Iranit, Mohammad Bagheri, dhe dy shkencëtarët Fereydoon Abbasi dhe Mohammad Mahdi Tehranchi. Në sulmet e reja u vra edhe drejtuesi i Forcave Ajrore të Gardës, Amir Ali Hajizadeh.

Të paktën  6 baza u goditën rreth Teheranit, përfshirë bazën Parchin, një kompleks prodhimi raketash, ku dyshohet se në të kaluarën janë përfshirë edhe teste bërthamore. Avionët luftarakë izraelitë goditën centralin bërthamor  Natanz, në jug të Teheranit, por edhe disa pozicione ushtarake të vendosura në periferi të kryeqytetit. Përveç Tabrizit, në veriperëndim ku ndodhen rafineritë kryesore, u sulmuan edhe qytetet e Esfahanit, Arakut dhe Kermanshahit. Sulme të reja u raportuan edhe në Kermanshah, në perëndim të vendit si edhe në centralin bërthamor të Natanzit, i goditur edhe më herët.

Irani thotë se midis të vdekurve ka edhe civilë, përfshirë fëmijë. Udhëheqësi Suprem i Iranit, Ajatollah Ali Khamenei ka kërcënuar se hakmarrja do të jetë e ashpër. Nga ana tjetër, Izraeli shpalli gjendjen e jashtëzakonshme. Ka mbyllur hapësirën ajrore ndërsa raportohet se mund të mbyllë edhe ambasadat e saj në botë.

Kryeministri izraelit Benjamin Netanyahu deklaroi se goditën “zemrën e programit të pasurimit bërthamor të Iranit dhe përpjekjet e tij për të zhvilluar një armë bërthamore”, duke shtuar se shënjestër ishte impianti kryesor të pasurimit të Iranit në Natanz. SHBA ka deklaruar se nuk është e përfshirë në sulm.

Ndërkohë, mbrojtja e Shtetit të Izraelit (IDF) njoftoi se shkatërruan dhjetëra lëshues raketash, objekte magazinimi dhe vende të tjera ushtarake në Iranin perëndimor.

gijotina.com/