Shqipëria do të luajë ndeshjen e parë të saj për kualifikueset e Europianit “Gjermani 2024”, ku përballë do të ketë Poloninë në Varshavë. Kjo do të jetë edhe ndeshja e parë për trajnerin e ri të kombëtares sonë, Silvinjo, i cili duket entuziast për përballjen e sotme. Po ashtu, më poshtë ne po rreshtojmë edhe pesë arsyet pse Kombëtarja kuqezi mund t’ia dalë për të ardhur me pikë nga kjo sfidë.
1- Ka një grup cilësor lojtarësh që luajnë në nivele të larta dhe shumica kanë kohë që luajnë bashkë.
2- Ka trajner të ri dhe pothuajse gjithnjë futbollistët japin diçka mbi normalen kur një teknik i ri ulet në krye të stolit.
3- Polonia vjen nga një humbje e rëndë me Çekinë në start dhe gjendja prej muajsh nuk është e mirë në ekip pas polemikave për shpërblimin e Botërorit.
4- Shqipëria e Silvinjos është një enigmë për polakët, sepse ka ndryshuar skema pas ikjes së Rejës. Madje është një mister edhe për vetë shqiptarët… Kjo mund të jetë armë plus për ne.
5- Shqipëria luan edhe për dy rezultate. Fitorja do të ishte super, por edhe 1 pikë në Varshavë nuk është keq. Polonia është në presion të jashtëzakonshëm sepse ka humbur 3-1 ndeshjen e parë dhe me Shqipërinë kërkohet vetëm fitore.
Discussion about this post