Pavarësisht nga lloji, fasulja ka shumë më pak yndyrë dhe kalori. Përveç kësaj, është një burim i shkëlqyer i proteinave, vitaminës B, acidit folik dhe fibrave për uljen e kolesterinës. Çdokush mund ta konsumojë sepse nuk përmban gluten.
Nëse jeni në dietë, mos ngurroni të kënaqni veten me një pjatë të gatuar me fasule, duke pasur parasysh se ka shumë pak kalori dhe në të njëjtën kohë furnizoni trupin me magnez dhe hekur. Nuk do t’ju mungojë energjia pasi të keni ngrënë fasule dhe kjo do t’i sigurojë trupit një mbrojtje të vërtetë antioksiduese.
Është e njohur për shumë njerëz që fasulet do t’ju fryjnë më pak nëse qëndrojnë në ujë për të paktën disa orë para gatimit. E mira është që fasulet t’i njomni një ditë më parë dhe t’i lini në ujë gjatë gjithë natës.
Përveç njomjes në ujë, gjatë zierjes hidhni në ujë gjethe dafine, borzilok ose xhenxhefil, vetitë e të cilave pengojnë formimin e mëvonshëm të gazrave në organizëm. Është gjithashtu fakt që fasulet e ziera pak shkaktojnë më shumë gazra. Nëse dëshironi ta parandaloni këtë, duhet të lani fasulen dhe ta gatuani në zjarr të ulët për më gjatë, jo në zjarr të lartë.
Me larjen dhe njomjen, fasulja humb sheqernat, të cilat, ndër të tjera, ndikojnë në fryrjen e stomakut. Shumica e njerëzve fillimisht i lenë fasulet në ujë përpara se t’i gatuajnë. Megjithatë, nëse nuk e bëni këtë, mjekët paralajmërojnë se po bëni një gabim të madh.
Edhe pse arrat, farat, drithërat janë ushqime të shëndetshme, për shkak të acidit fitik, ato mund të jenë shumë të dëmshme për organizmin. Ky acid lidh elementë të rëndësishëm si bakri, magnezi, jodi, hekuri dhe zinku, për shkak të të cilave ato ekskretohen nga trupi, përpara se të arrijmë të kursejmë ndonjë përfitim prej tyre./Marrë nga TAR
Discussion about this post