Doktoresha Shkencore në Spitalin Amerikan, Nerejda Ulqini Xhabija ka folur ditën e sotme për hipotensionin. E ftuar në “ABC e Mëngjesit”, ajo ka treguar se më të rrezikuara janë moshat e treta, pra mbi 65-vjeç.
“Ka kategori që ne kemi merak dhe janë moshat e treta kryesisht, mbi 65 -vjeç, sepse te këto shfaqja e tensionit të ulët është e rrezikshme, pasi mund të bëjnë rënie, fraktura. Janë prishur ato mekanizmat kompesator që ka njeriu. Për shembull, nga një herë hipotensioni shfaqet nga pozicioni i shtrirë, ke dy orë që po rri duke parë televizor dhe në momentin që çohesh ke tension të ulët.
Prandaj ne ju themi moshave të vjetra që do ngriheni një herë në djathtë, pastaj drejt me ngadalë”.
Doktoresha është ndalur edhe te mjekimet, që sipas saj personat të cilët vuajnë nga hipotensioni nuk duhet t’i heqin gjatë verës, por me rekomandimet e mjekut mund t’i pakësojnë.
“Qëllimi im kryesor është t’ju them atë që dëgjoni kur bëni vizita te mjeku kardiolog:’Kujdes me ilaçet që merrni’. Tensioni fillon e bie dhe që ta keni parasysh që për shkak të ilaçeve që marrim pikërisht për të ulur tensionin, ndonjëherë nga një tendencë për të rënë tensioni. Kështu që nëse xhaketën e veshim në vjeshtë, pastaj do të dalim me këmishë. I njëjti parim dhe me mjekimet, që do t’i pakësojmë, jo do t’i heqim se janë ca teorira që jo erdhi vera, jo gjaku i hollë. Por jo, mjekimi mund të reduktohet, por cilit duhet të reduktohet duhet bërë në një konsultë mjekësore”.
Sakaq, Xhabija ka rekomanduar pacientët që të marrin sa më shumë ujë, sidomos gjatë stinës së verës pasi ndikon te sasia e volumit plazmatik.
“Marrja e ujit është shumë e rëndësishme, por ndikon te sasia e volumit plazmatik. Ka persona që janë me anemi dhe ajo nëse kombinohet me verën bëhet sebep për uljen e tensionit, pasi sasia jote e gjakut është e ulët dhe duhet korrigjuar edhe anemia”.
