Faxnews ka siguruar deklarimet e pasurisë së Alda Klosit të bëra në shumë vite. Në lidhje me deklarimet zyrtare që ka bërë Klosi, ILDKPKI i është përgjigjur interesit të Fax News, ku ka vënë në dispozicion disa dokumente që mbajnë nënshkrimin e Klosit.
Në vitin 2019, Klosi ka deklaruar të ardhura si anëtare e bordit të lotarisë kombëtare. Sipas deklarimeve kjo shumë ka qënë 102 mijë lekë.
Një vit më vonë ish-zyrtarja e lartë ka deklaruar vetëm blerjen e një automjeti me kredi 2 milionë lekë. Kurse në vitin 2021 të ardhurt nga paga, sipas asaj që ka deklaruar Klosi kanë qenë në shumën e 1.1 milionë lekë.
Por, teksa vitet kalojnë, ish-zyrtarja ka nisur të shtojë katalogun e pasurive të saj dhe konkretisht në vitin 2022, Klosi deklaron sipërfaqe trualli, si trashëgimi nga familja, një pjesë e apartamentit e trashëguar nga familja, deklaron po ashtu apartamentin 50 m2 në Tiranë.
Gjithashtu në formularin e deklarimit të të ardhurave nga paga si shefe te “Rindërtimi”, Klosi ka shkruar vlerën prej 136 mijë lekë.
Nga ana tjetër Kadastra konfirmon se Klosi zotëron pesë apartamente në Tiranë dhe Lezhë dhe dy sipërfaqe trualli.
Discussion about this post