Deputeti demokrat Edi Paloka ka reaguar përmes një postimi në rrjetet sociale lidhur me një foto ku Kryeministri Edi Rama shfaqet në një tryezë me liderë europianë në Samitin e Granadas, ku një nga çështjet themelore të diskutuara ishte problemi i trafikimit të njerëzve.
Prej kohësh Shqipëria është kthyer në një vendburim të trafikut apo kontrabandimit të njerëzve çka ka krijuar jo vetëm çpopullim në vend, por edhe probleme te partnerët europianë të saj.
Nisur nga ky detaj, Paloka shkruan se Edi Rama në atë tryezë është për ti kërkuar llogari dhe për ti bërë presion që të ndalë këtë aktivitet kriminal.
“Janë shpërndarë vetëm fotot pa dhënë informacionin mbi të vërtetën e kësaj tryeze duke lënë të nënkuptohet që Rama rri në tavolina me “të mëdhenjtë” si i barabarte me ta. Në fakt fotoja është bërë gjatë një “procesi gjyqësor” ku Rama është “i barabartë” aq sa është i barabartë i pandehuri me gjykatësin dhe prokurorin!
Postimi nga Edi Paloka
E verteta e fshehur e kesaj fotoje .
Te gjithe kane pare keto foto te shperndara nga propaganda e “rilindjes” ku Rama eshte ne tryeze me disa nga lideret evropiane! Jane shperndare vetem fotot pa dhene informacionin mbi te verteten e kesaj tryeze duke lene te nenkuptohet qe Rama rri ne tavolina me “te medhenjte” si i barabarte me ta. Ne fakt fotoja eshte bere gjate nje “procesi gjyqesor” ku Rama eshte “i barabarte” aq sa eshte i barabarte i pandehuri me gjykatesin dhe prokurorin!
Tryeza eshte per emigracionin ilegal i kthyer ne eksport kriminaliteti se fundmi , i cili eshte bere problem per vendet qe perfaqesojne drejtuesit e shteteve qe jane ne kete tavoline dhe Rama aty eshte problemi. Rama eshte aty per ti kerkuar llogari e per ti bere presion qe ta ndale kete aktivitet kriminal qe po shkatrron Shqiperine por po demton dhe partneret.
Kjo eshte e verteta qe si gjithnje propaganda e te paudhit ju a shet mbrapsht shqiptareve.
Discussion about this post